كوتشينة الحيااااااااااااااة

الدنيا دى زى الكوتشينه انا بلعب و انت بتلعب وانتى بتلعبى وكلنا بنلعب .. علشان لازم
الكل يلعب .. بس فى اللى بيلعب صح وفى الى بيغش وفى الى بيكدب وفى الى بيخدع واللى بيخسر بيطلع وفيها كل حاجه .. تعالو بينا نقرا الموضوع ونفهم ..

ده بقى الشديد .. مهنته فى حياته (جوكر) وهوة فعلا جوكر شاب روش ستايل فعلا كفاءه فى كل حاجه الشايب يعملو حساب والولد بيفتحلو بابه والسبعه يثبتهم بطريقته و البت تموت فى دباديبو و الاتنين يجمعهم بحركاته و الاربعه بنفيهم فى مهاراته .. اصلو من الأخر جوكر يا ناس ...

وده (الولد) عايش حياته بالطول والعرض فاكر نفسه روش ومحدش قده.. حد يقولو ان الحياه على القد ساب صحابه ومقضيها بالطول والعرض نازل واكل طالع واكل ماهو هوة ده الولد اللى بيقش

ودى بقه (البنت) بس يا ترى مكسوره ولا حزينه ملامحها حلوة مرسومه بس يا ترى ايه الى فى ضهر الورقه اقلب وهتشوف الحقيقه ماهى دى حياتنا تشوف الشكل والرك على الأصل ..

وده (الشايب) راجل كبير كبر فى سنه بس لسه اصيل دماغه كبيره وحياته اصيله عايز يمشى رأيه بس يا خساره مفيش حد سمعه .. كلو بيقول ده (كبر وخرف)......

وده كارت (العشرة) اكبر عدد شباب فارد نفسه عصابه اجراميه من نوع خطير الله يسامحو ويكرم اصلو (التلفزيون) علم الناس الأجرام ودى النتيجه وف ورق الكوتشينه انحصرو وبقو 10 واخدينها غصب مبدأهم الكتره تغلب الشجاعه معندهمش صبر بس دور على الأصل هتلاقى شباب طيب والزمن لعب معاهم ماهو الزمن كده بيغير .. لو شاب كويس بيتغير كان شاب وحش برضو بيتغير ماهو ده القانون الزمنى واحنا عارفينه

وده كارت ال(التسعة)الأصل كان عشرة بس نقصو واحد ... الزمن لسه بيلعب ... عاشو فى احزان كانو شايفين حياتهم بالألوان .. قررو يتغيرو اللى اتعدل واللى اشتغل واللى سافر واللى فضل زى ما هوة لسه فاكر حياته حلوة والشيطان لسه راكبو .... للأسف طلع كارت خسران

وده (التمانيه) .. جروب جميل الأصل متفرقين بس على النت متجمعين .. واحد بيحب التانيه والتانيه بتحب التالت والتالت اخو الأول والرابع مقضيها والخامسه صاحبتها السادسه والسادسه حذينه ومكسوره عايشا فى حياتها ومجروحه عايشه فى الماضى ومقهورة والسابعه يعينى عليها حادثه صغيره جت فى رجليها بس عايشه سعيده وفرحانه ماهو ربنا هوة الشافى والتامنه مغرورة شايفه الناس عن طريق الصوره حلوة وشقيه .. بس فى الأصل مغرورة

ودول بقه ولاد الشايب ( السبعة ) وكل واحد فى وادى .. لا هما فاهمينو ولا هوة فهمهم بس فى الأول وفى الأخر كلهم فى ورقه واحده ودى حلاوتهم ...

ودول( الستة )جعانين اطفال مساكين عاشو فى ورقه واحده .. بس الأصل ركن وواحد المسكن فى الشارع والملبس عريانين .. اكلهم من اى حته شربهم ميه النيل احلامهم مش موجوده احزانهم دايما موجوده

دول (الخمسة)أصحاب برضو بس الكارت بيوضح ان هما اربعه و واحد. منقدرش نقول عليهم خمسة علشان اربعه مع بعض وواحد لوحدو موجود معاهم عايش معاهم ياكل معاهم يشرب معاهم ... نفسو يموت معاهم بس للأسف ... برضو كارت خسران مش بيعرف يكسب ... خسر الكارت بسبب خيانه... الواحد خان الأربعه والأربعه أتفقو على الواحد بس يا ترى مين السبب الأربعه ولا الواحد

ودول كارت ( اربعة ) صحاب الصداقه بتجمعهم والدماغ بتفرقهم كل واحد فى وادى اللى بيفكر فى البت ... واللى بيفكر فى يبقى زى الواد ويقش ... واللى الشايب كان ابوة ... واللى حاقد على صحابو....

ودى (التلاته) فى الكارت مثلث برموده مرسوم بطريقه هندسيه ولا حد يقدر يرافقهم ولا حد يقدر يفرقهم علشان ربنا هوة الحارسهم .. المهنه شباب جامده والنشاط رياضه مهمه .. واحد بيحب التانى والتانى بيحب التالت والأول بيحب التاني والتالت وفى الأول والأخر ايمانهم هوة الى جامعهم .

وادى كارت (اتنين) انتيم اتفقو على الحلوة والمره اتعاهدو
جات البت فرقت بينهم لعبت فى دماغ الجامد منهم .. قالتلو خليك روش خليك شديد وكبر دماغك ده انا اولى من صاحبك الواد فرح البت حلوة ومشى فى سكتو ... بس يا خساره مشى فى طريق كلو ندم وجرح كبير .. و التانى عاش على جراحه وشرب كاس عملهولو صاحبه وداقه و البت فرحانه بس فى الأخر خسرانه ...

وادى كارت (واحد) واسمه وحيد سمى نفسه ساعة العيد عيد لوحده وملقاش الى جنبو فا قرر يبقى اسمه وحيد شاب مكافح اصله مالوش فى التهيس البت جاتله قالها لا انا ولد ولا بعرف اقش ولا انا جوكر بثبت واعمل حركات ولا ليه فى البهلوانات انا راضى ربى وساكت وحلمى اعيش مبسوط .....

يا ترى ممكن تكون هي دى دنيتنا بجد فيها الولد اللى بيقش و الجوكر اللى الكل بيحترمه .. و البنت اللى ممكن تكون شكلها غير حقيقتها .. والعصابه المكونه من 10 و الشايب اللى محدش سامعه علشان كبر وخرف و الوحيد و التلاته وغيرو... وغيرو ... وغيرو

ولو ده صح انت مين فيهم ونفسك تبقى مين ونفسك تكون مش مين ونفسك لو تلعب تلعب صح ولا همك تكسب وخلاص ...

بجد موضوع روووووووووووعه
تسلم ايدك بجد

علي فكره ده موضوع جامد وياريت منها كتير

تسلم ايدك موضوع جامد